शैक्षणिक विधि तालिम

सीतारमेश बहुमुखी क्याम्पस, बुद्धशान्ति - १ , झापाको आयोजनामा शैक्षणिक विधि तालिम सम्पन्न भएको छ। विश्वविद्यालय अनुदान आयोग (UGC) को सहकार्यमा सञ्चालित सो तालिम २०८१/०२/ १७ देखि १९ गतेसम्म ३ दिन सञ्चालन भएको थियो। त्रिभुवन विश्वविद्यालयका प्रा. डा. महानन्द चालिसे र प्रा. डा. रमेश प्रसाद भट्टराईले सहजीकरण गर्नुभएको उक्त तालिममा सीतारमेश बहुमुखी क्याम्पससहित ६ वटा क्याम्पसका प्राध्यापकहरूको सहभागिता रहेको थियो। व्यवस्थापन सङ्कायमा अध्यापनरत प्राध्यापकहरूले तालिमबाट आफू धेरै नै लाभान्वित भएको बताउनुभयो । तालिम कार्यक्रमको उद्घाटन र समापन सत्रको सभाध्यक्षता क्याम्पस प्रमुख पुष्प रिजालले गर्नुभएको थियो भने कार्यक्रम सञ्चालन RMC प्रमुख नेत्र प्रसाद नेपालले गर्नुभएको थियो।